ابي اطمح لأهلي لأن زوجي ما عاد يملى عيني

ابي اطمح لأهلي لأن زوجي ما عاد يملى عيني

سلام
متزوجة لي فوق 6 سنوات
ولدي اطفال
ايجابيات زوجي : كريم حنون محترم لسانه نظيف
سلبياته : يؤخر الصلاة مدخن لا يهتم بنفسه ومهمل لوزنه وركزوا معاي هنا زين "لا يحب اكل البيت" لا اكلي ولا اكل امه ولا احد ثاني يموت بالمطاعم

مشكلتي زوجي سمين وبديت اعيفه ، وزنه فوق ال100 بالراحة
ما عاد يجذبني ولا عاد اشوف فيه شي يغريني او يخلي قلبي يفز او اعجب فيه كرجل مافيه الا كرشه
وانا على عكسه ممارسة منتظمه للرياضة واخاف على نفسي وجسمي بالذات بعد الحمل جاتني صدمة وصرت اهتم
اكثر شي معور قلبي اني صرت اشوف الرجال النحاف وابصبص فيهم بحسرة .. مو شرط واحد ممشوق وعريض لا اي جسم نحيف لو مسطرة يخليني اتحسر
وزي كل عريس هو نحف عشان الزواج بس ، اول ما نقلت معاه رجع سمن والى اليوم ما نحف ولا يفكر اساسا

انا انثى ابي رجال مستصح وقوي مو واحد يلهث وياخذ بريك من طلعة الدرج
ولا يوقف بنص الجماع من التعب ويخرب الجو ويخليني اعيف القرب كله
ضاق صدري واحس ماعاد اتحمل وما احس بأنوثتي ابدا ولا عاد يملى عيني كلش
الواحد لا حط عينه على شي وده بمنظر حلو قوام طبيعي مو طبقات من الشحوم


1-سويت له مفاجئة وسجلته بنادي 1400 وطارت فلوسي ما راح ولا طبه
2-سويت نادي رياضي صغير بالبيت لي وله ما استخدمه ابدا
3-اشتريت له برامج رياضية اون لاين حطها بفلاش وجدعها ولا فتحها
4-قلت له امش نطلع نمشي قالي روحي مع العيال لحالكم
5-كلمت عدة اخصائي تغذية عشانه ما يبي يلتزم ويروح لهم
6-شريت انظمه غذائية تناسبه وطبختها له ولا اكلها لأنه ما يحب اكل البيت
7- اشتركت بدايت سنتر يوصلون وجبات رفض ياكله لأنه اكل بايت وطارت فلوسي
8- قلت له سوي تكميم دامك كسول وعجاز قال يمكن اموت من البنج وخايف

بإختصار الباب مغلق معاه لأن هو من نفسه ماعنده رغبة ينحف كسول مهمل وضامن اني احبه من كثر مدحي "مجاملةً" له عشان اعزز ثقته بنفسه لكن شكل اثر مدحي طول السنوات كان سلبي
عشان كذا افكر اخذ عيالي واطمح عند اهلي ولا يرجع لي الا وهو نحفان زيه زي يوم زواجنا
لا ابي منه فلوس ولا ذهب ولا سفر ولا رضوه
ابيه يخسر وزن فقط ويعود لصحته
وان رفض فأنا ارغب بالطلاق لأن الوضع ماعاد ينعاش
لو انا الي وزني فوق ال100 وما اتحمل الجماع والحركة ما اظن راح يجلس معاي او بيتزوج علي
قضيت معاه سنوات كافيه بسمنته والأن اشوف لي حق اتخذ هذي الخطوة لكن ابي تشجيع
اقروا كل الي سويته له وحطوا نفسكم مكاني هل هذا هو الحل النهائي؟

المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين

hfd h'lp gHigd gHk .,[d lh uh] dlgn udkd

المصدر...