ثق بأن الذي وضعك في أول الطريق لن يتركك في منتصفه

كتيييير مننا بيواجه المشكلة دي .. مشكلة اننا بنتوب كتييير أووووي ونرجع تاني .. وننقض العهود
لكن مفروض مع كل دا منبطلش نتوب .. كتير بيحسن الظن في الله وبيرجع يكمل
وكتيييييييييييييييييييييييير بيستسلم لنفسه وللشيطان من كتر ما زهق منهم ويأس
والنتيجة بتكون حياته كلها بكاء وحيرة وضنك

أي خطأ فمني ومن الشيطان والله ورسوله منه براء

قبل ما حبدأ كلامي حقول حاجة بسيطة جدًا
في موقف حصل قدامي
في يوم خلصنا محاضرة/ وجاء زميل لنا يقول:
ها ياجماعة مين حيحضر ندوة حازم شومان النهاردة

فرد أخ : هيتكلم عن إيه
رد: عن العشر من ذي الحجة وأعمال العشر
بعد ما نظر له نظرة طوووووويلة بإستغراب
قال : اعمال عشر ايه مااحنا حنصوم وخلاص
متوجعوش دماغنا والموضوع مش للدرجة دي يعني !!!

ما احنــــــــــــا حنصـــــــــــوم!!!!!!!!

انت كمان بتقول زيه حنصوم ونبقى كدا نقرأ لنا كل يوم صفحة ولا حاجة في القرآن
وبعدين الشغل والدراسة مش كل دي عبادات !!!!

طيب تيجي نعمل flash back لـ 3 شهور عدوا
لما قالولك رمضان فاضل عليه يومين

قلت ايه؟؟
كان ردك نفس الرد برده؟؟؟

طيب وانت اتبسط من حالك في رمضان؟؟
عجبك حالك والناس كلها بتبكي وانت جواك حجر مش قلب

تسمع أياااات كتيييييييير وانت ولا أنت هنا ؟؟؟

ولا في الليالي الوترية والناس بتبكي .. خلاص رمضان ماشي ... وانت بالعافية بدأت تبكي لكـن مش زيهم

بكيت عشان افتكرت الحد اللي كنت بتحبه ومات، ولا افتكرت انك كان نفسك في حاجة وضاعت منك،
ولا افتكرت فلان اللي غدر بيك وجرحك!!!!!

لخص عايز ايه يعني انت ؟؟؟؟

مش عايز حاجة بس عايز أسألك سؤال..

انت عامل ايه؟؟ قربت ولا لسة بعيد؟؟
طيب على الأقل حافظت على نفسك بعد رمضان ولارجعت وقعت تاني؟؟؟

أكيد معظمنا وقع، وأصابنا الفتور، أكيد نقضنا عهود كتير مع ربنا
والمشكلة الكبيرة إننا حاسين بإحباط مش من رحمة ربنا لكن من نفسنا
اللي مش عرفة تثبت على حال،
بنجاهدها كتييير بس مفيش فاييييدة، والحياة ماشية،
بنحاول نتناسى إننا مش قريبين أوي من ربنا، وللأسف بنحاول نقنع نفسنا إننا كدا كويسين
والدين يسر وبلاش تزمت..

انا جاي أخاطب قلبك وأخاطب كل ذرة حب فيك لله

أول حاجة بقــا خالص

انفض غبار اليأس دا والإحباط عنك خاااااااالص خاااااالص
بتكلم بجد ... دلوقتي فرّغ دماغك من كل تفكير سيئ

غمض عينك وانسى الدنيا وشوف بخيالك السماء
وخد نفس عميييييييييييييييييييييييييق وخرجه ببطئ جامد جدا

كتير دلوقتي بيقول حنهزر بقـا ،،،

لاوالله أنا مش بهزر خالص

غمض عينك وانسى همومك ..
افتكر كل حاجة حلوة في حياتك..
افتكر أكتر وقت حسيت
فيه إنك قريب من ربنا...
افتكر أيام ما كنت بتصحى في الشتاء وتتوضى في عز البرد بمية متلجة
وتقعد تغيظ الشيطان وقلبك يبقى بينط من الفرحة إنك بترضي ربنا..

افتكر كل موقف

قلت فيه لا أنا مش حقدر وقدرت..

افتكر أول مرة أطلقت فيها لحيتك..
ولا أول مرة طولتي فيها طرحتك..

افتكر أول مرة قولتلهم معلش ياجماعة أنا مش عايز اتفرج على فيلم دا بيزعل ربنا حبيبي مني

وافتكر ردهم: ياعم بطّل دروشة ..

افتكر إنك تخطيت كل المراحل دي أو لسة بتتخطاها لكن
ربنا بيقويك وغير كدا بتشعر بفرح جامد أوووي إن رضا ربنا أهم حاجة عندك...

افتكر كل مرة لقيت الناس بتبعد عنك وبقيت لوحدك وذنوبك بقت مغرقاك وللأسف قفلت أو بوظت
كل حاجة جميلة كنت بتعملها..

ولقيت ربنا برغم إنك متبتش ومرجعتش بيقولك
متخافش أنا معاك أنا جنبك وتلاقي أنس وراحة وسكينة!

افتكر كل مرة ركبت فيها ميكروباص وشايل هموم الدنيا فوق دماغك وكنت سرحان
ومرة واحدة انتبهت لأية يتلوها قارئ في الراديو(( فَإِنَّ مَعَ الْعُسْرِ يُسْراً ))

افتكر مرة كنت محتار فيها وربنا بعتلك صاحب صالح قالك الحل الصح ونسيت تحمد ربنا..

افتكر ... افتكر .. افتكر

.
.
.

عارف إنت إيه مشكلتك؟؟؟

مشكلتك إنك زي الطفل أي حاجة بيتعلق بيها
إنت كدا أي نعمة بتنشغل بيها عن المُنعم،
مشكلتك إنك صدقت نفسك..

وصدقت كلمة ياشيخ وبطّلت تقرب لربنا وبقيت بتتكسف

تعمل الأعمال الصغيرة اللي ممكن تقربك لربنا أوووي
وتقول أنا حعمل حاجة أكبر وبرده مبتعملش
بتتكسف أو بمعنى أصح بتتكبر تسمع كلمة لحد بسيط أوووي بيتكلم عن ربنا

مع إن كلمته دي على قد ما هي بسيطة لكنها صادقة أوووي
وخارجة من قلبه ممكن توصل لقلبك الميت فتحييه....

بقيت تزعل أوووي لما حد يسأل حد قاعد جنبك عن أمر من أمور الدين وانت في قرارة نفسك شايف إنك أحسن منه

وازاي يسيبك ويسأل دا؟؟؟

مشكلتك إنك مبقتش فااااااااااااااضي

بس مش فاضي لمين ؟؟؟

للأسف مبقتش فاضي لنفسك!!

معندكش وقت تقعد معاها وتقولها انتي وصلتي لإيه
محتاجة إيه...؟؟ انتي عملتي كدا ليه؟؟ طيب والله حعاقبك لو دا حصل؟؟؟

مش فاضي تجيب ورقة وتخرج عليها كل همومك وكل حاجة شاغلة تفكيرك وتفضي دماغك
لأنك حاسس إن دي حاجة تافهة وبعدين أبقى أعملها
مع إن دي البداية

البداية

إنك تتجه لله بقلبك وتبطّل بقا شكوى وتبطل بقا تحتاج لفلان وعلان،
محتاج تقعد معاها اعمل معاها هي وقلبك اجتماع لمدة نصف ساعة

في حضور ورقة فلوسكااااب كبببببببببببببببيرة
مكتوب عليها اسمك

وخرج أسهم لأهم أولوياتك

مثلا ربنا.. حفظ قرآن..طلب علم.. دراستي أو شغلي..علاقتي بأهلي .. علاقتي بمن حولي.. أهدافي
الدعوة..تنمية المجتمع....إلخ

وشوف كام حاجة من دول انت مركز فيهم

واقولك حاجة

مادام انت مضيع أهم جانب في حياتك وهو قربك من ربك
حتبقى بقية الجوانب فيها خلل؛ لأن الأساس مش موجود في حياتك

وفي ظهر الورقة اكتب الحاجات اللي شاغلاك

النت.. الفيس بوك.. مكالمات هاتفية طويلة.. البيت.. الأولاد... الشغل.. الاهتمام بتصحيح الظاهر..
الدعوة... حفظ القرآن .. طلب العلم.. دراستي

ايييييييييييييييييييييييييييييييييييوا

انا اخدت بالي أنا كتبت إيييه كويس

اخدت بالي إن في حاجات مهمة شغلاني وهي من أولوياتي .. يعني ازاي تشغلني وهي بتفيدني؟؟؟
أقولك؟؟؟

حاااجة مهمة مضييييعة حاجات حلوة أوووي في حياتك

الدعوة

: بتدعو الناس كتيييييير (( الظاهر إنك ماشاء الله وبتعمل اللى عليك وبترضى ربنا))

لكن انت مع دا بتنسى نفسك ومبتصلحهاش .. تقولهم اسمعوا وانت مبتسمعش..

بتفيدهم وانت صفـــر مع إن الأمر في البداية كان لله
لكن وسط الزحمة

بقى روتيييين

وتحولت العبادة × إلى عادة

عشان مفيش نية
مفيش وقفة مع نفسك كل شوية
تقولها ها انتي بتعملي ايه ولمين؟؟؟؟؟؟؟

فهمت بقا انا قصدي إيه!!!!!!!!!!!!!!!!!

حاجات كتيييييييييييييييييييييييييييييييير ظاهرها بيبقى حلو أوووووي
بس قلبنا مش معانا......
احنا في وادي وهو في وادي تاني خالص

عرفت إن المشكلة إنك بتبدأ في بداية أي حاجة متحمس أووووووووووووووووووووووووي

وبعدين

تقع

طيب بعد ما كتبنا الورقة دي حنعمل إيه؟؟

؟؟؟

عايزك تتقمص دور المصلح الإجتماعي.. تخيل إنك جاتلك الورقة دي من حد انت بتحبه أووووي
وبيقولك الحقني حتقوله إيه؟؟

حتقوله ياعم خلاص مفيش فايدة.. انت مستحمل نفسك كدا ازاي؟؟ وتنصحه كل يوم يحاول يموّت نفسه؟؟؟؟

اكيد لأ طبعًا

؟؟؟

يلا بسرعة اقعد ع مكتبك وجيب قلم وطلعله سهم من كل مشكلة وسهم من كل أولوية وقوله يعمل إيه؟؟

ازاي؟؟

ربنا

أول أولوية في حياتي
حكتبت تحتها ازاي أقرب من ربنا؟؟ بفعل كذا وكذا وكذا
اكتب لابد من تجديد النية قبل كل عمل واحتسابها لله
كل يوم لازم يبقى ليا خلوة مع ربي واخبره عن حالي واقرأ قرآن واسمع كلام ربي كتيييير
كل يوم ححافظ على الصلاة في موعدها
كل يوم وانا بصلي الفجر حدعي ربنا يرزقني في هذا اليوم عمل أتقرب به إليه

حفظ القرآن

كل يوم حخصص وقت معين أقعد أحفظ فيه وليكن بعد الفجر
ولو يوم قصرت حعاقب نفسي بكذا...
وهكذا
............
الحاجات اللي بتشغلني

النت

حدخل كل يوم ساعة واحدة بس اعمل فيها كذا وكذا وكذا ومش حشتت نفسي

لا حركز انا داخل فين وعايز اعمل ايه ...؟؟

المكالمات

لما بتطول بتدخل فيها حاجات مش مضبوطة وبنبدأ نجيب في سيرة فلان وعلان..
وبنقعد نضحك ونألش كتييييير وانا بحس إن في وسط الضحك دا كله قلبي بيموت وبيغفل

وهكذا..

ثاااااااااااااااااااااااانية وااااحدة بقا كدا

مش ملاحظ حاجة

!!!!!!!!!!!

ان حياتك كلها بتتحل لو نظمت وقتك صح وحددت هدفك بجد

ومشغلتش بالك بأي حاجة تشتتك وتبعدك عن طريق ربنا

لو وقفت قبل كل عمل 3 ثواني فكرت انا بعمل ايه حتحس بطعم كل حاجة !!

..,..
انا كدا خلصت موضوعي

النهاردة انا مش عايز منك غير حاجة واحدة بس

تقعد معـــــــــــــــاها

هي ميييييييييييييييييييييييييييين

؟؟؟؟

معقول لسة معرفتش؟؟؟

اقعد مع نفسك

لو انت قاسي عليها طبطب عليها وقولها متخافيش لسة في أمـل،
وأنا حقدر إن شاء الله أكون أحسن
حقدر أرجع محمد بتاع زمـــــــان، ححافظ عليكِ ومش حضيعك تاني
ولو حسيتها لسة خايفة
قولها بقلب جااااااااااامد
متخافيش وقولها خلينا نعيش بهذه الأية

(حَسْبُنَا اللَّهُ سَيُؤْتِينَا اللَّهُ مِن فَضْلِهِ إِنَّا إِلَى اللَّهِ رَاغِبُونَ )

ايوا انا مش عايز من الدنيا دي غير ان ربي حبيبي يبقى راضي عني
انا مش عايز أي حاجة أنا عايز ربنا يرضى عني
ومش عايز أتحرم من ربنا أكتر من كدا
متخافش

{مَا وَدَّعَكَ رَبُّكَ وَمَا قَلَى }.[

الضحى:3

]

..

أقولك حكاية حصلت معايا

مرة كنت حاسس إني بعيد عن ربنا أووووووووووووووي وإني مهما أعمل فأنا حاسس بالذنب أوي
وبصراحة كنت حاسس انه خلاص مفيش فايدة مني وإني سبت الطريق
وإذ بي قدرا أجد سائق تاكسي كاتب على السيارة
هذه العبارة التي لامست قلبي في التو

: ثق بأن الذي وضعك في أول الطريق لن يتركك في منتصفه:

خلصت كدا
حسيتتتتتتتت جدًا بهذه الكلمات وطبقتها على حالي

انا كنت ميييييييييين في البداية قبل ماأعرف طريق ربنا؟؟؟

مكنتش أي حاجة.. وكنت بعمل معاصي وكنت بعيدة جدًا
مين اللي هداني؟؟

مين اللي رغم ذنوبي لما قلت ياااااااااارب أجاب دعائي؟؟؟؟
وقتها أحسنت الظن بربي واستعذت بربي من الشيطان
وعرفت إن ربنا مش حيسيبني أبدًا

لأنه ربي حبيبي، وهو أعلم بحالي وبذنبي
..

نرجع تاني لحوارنا مع أنفسنا

لو انت بتدلعهـا قولها وبعديييييييييييييييييييييييييييييييين.؟؟؟
وآخرتهـا إيييييييييييييييييه؟؟؟ حتوديناااااااااا في داهييييييييييية!!!!!!!!!!
انتي لا فرحانة ولا زعلانة؟؟ لأنك ميتة أصلاً؟؟
طيب انتي راضية تخليني عايش في الوحل دا ليييييييييييه؟؟
وأبدأ خد خطوة
واتعلم انت اللي تقودها مش هي اللي تقودك

وأتأكد إنك لو صدقت مع ربنا .. ربنا حيعينك وحيوفقك

{إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ}.[

الرعد:11

]

قولها عشان خاطري فووووووقي
كفاااااية
تعالي نرجع
وأوعدك إني حخليكي تمشي في طريق السعااادة
أنا عارف اننا حنتعب في الأول عشان نثبت وناخد على الطريق

لكن حنعيش بعد كدا أحلى لذة وهي لذة القرب من ربنـا
..
وبعد ماتكلم نفسك
جيب الورقة
وشوف انت وصلت فين ؟؟ وانت ايه دلوقتي؟؟
وحتكمل ازاي؟؟؟؟
خطط كويس لكل لحظة جاية
وحط خطة محكمة

بس قبل ما امشي عايز أكلفكم بحاجة كمان
حاجة كدا حتساعدك ترقق قلبك وتفكرك بمشاعر جميييلة أووووي
اسمعوا لهذا المقطع لشيخنا هاني حلمي

ازاي تحب ربنـا؟؟

​

..

نسأل الله القبول
ونسأله جلا في علاه أن يرزقنا النفس المطمئنة
وأن يعيننا على ذكره وشكره وحسن عبادته
لاتنسوني من صالح الدعاء
والسلام عليكم ورحمة الله وبركاته

م\ل

وعليكم السلام ورحمة الله وبركاته

جزاك الله خير الجزاء على الموضوع الطيب

جعله الله في ميزان حسناتك

لا حرمنا الله مواضيعك المتميزة أختي الغالية

اللهم نسألك الثبات في الأمر ، والعزيمة على الرشد

بارك الله فيك .

اقتباس : المشاركة الأصلية كتبت بواسطة أم معاذ [ مشاهدة المشاركة ]

وعليكم السلام ورحمة الله وبركاته جزاك الله خير الجزاء على الموضوع الطيب جعله الله في ميزان حسناتك لا حرمنا الله مواضيعك المتميزة أختي الغالية اللهم نسألك الثبات في الأمر ، والعزيمة على الرشد بارك الله فيك .

جزانا واياكم
اللهم آميييين
اسعدنى مرورك حبيبتى ام معاذ